இரு வேறு வர்க்கக் குணாம்சத்தில் நெளியும் பாலியல் துய்ப்பைப் பேசுகிற சாக்கில், உடல் உழைப்பாளிகளிடம் வெளிப்படுகிற பாலியல் எந்திரமயமானதாகவும், அறிவாளித்தனமான ஆண்களிடம் வெளிப்படுகிற பாலியல் அழகியதாகவும் இருக்கிறது என்பதைத் தான் அந்தப் படம் சொல்ல வருகிறது.
கருப்பு வெள்ளைக் காட்சிகளும், பிறகு வண்ணப் படக்காட்சிகளுமாய் படம் விரிய விரிய ஒன்று இழிவு, மற்றொன்று அழகு என்பதான மேட்டிமைக் கருத்தாக்கத்தையே இந்தப் படமும் வலியுறுத்துகிறது.
வெறும் பாலியல் துய்ப்புக்கு ஏங்கித் திரியும் பெண்ணாகக் காட்டப்பட்டிருப்பதும், அதை நியாயப்படுத்துவதற்கான காட்சி நகர்வுகளாகவும் தான் அந்தப் படம் இருக்கிறது.
அறிவாளித்தனம் இருந்தால் ஒரு பெண்ணை பாலியல் வட்டத்துள் எளிதாய் வீழ்த்தி விட முடியும் என்பதைத் தானே இப்படமும் தெளித்துப் போட்டிருக்கிறது.
இதைப் பேசுவதால் பெண்ணின் பாலியல் தெரிவுக்கும் விடுதலைக்கும் எதிரானவராக அல்லது மரபுவாதியாகச் சுருக்கிப் பார்க்கவும் கூடும். ஆயினும், பெண் நோக்கு எனும் பேரில் உருவான ஆண்நோக்குப் படம் என்று சொல்வதில் எனக்குத் தயக்கமில்லை. அதுதான் உண்மையும் கூட.
கருத்துகள் இல்லை:
கருத்துரையிடுக